ಕಾಲದ ಕಡಲಲ್ಲಿ ಅಲೆಯಾಗಿ ಬಂದ ಗೆಳತಿ,
ಅಲೆ-ಅಲೆಯಾಗಿ ಸೇರಿಹೆ ನೀ ನನ್ನ ಒಡಲು
ಹಯವು ತೇರ ಎಳೆಯುವಂತೆ,
ಮಳೆಯು ನೆಲವ ಮುತ್ತುವಂತೆ,
ನೀ ಎನ್ನ ಸೆಳೆಯುತಿರುವೆ... ಓ ಗೆಳತೀ...
ನಿನ್ನ ಕರೆಯು ಕೇಳದಂತೆ,
ನಿನ್ನ ನೋಟ ಕಾಣದಂತೆ,
ಕಿವುಡಾಗುವ, ಕುರುಡಾಗುವ ಮಹಾಬಯಕೆ...!
ನಾ ನಗುಮೊಗವ ತೋರಲಾರೆ,
ಬಂದಿಹುದೆನಗೆ ಆ ಕಟ್ಟಳೆ
ಅದೇ ನೋಡಿ ಎನ್ನ ಮುಖದಿ
ಮಾಸ್ಕಾಗಿಹುದು ಮಹನೀಯರೇ...
ಇಲ್ಲಿ ನಾ ನಾನಲ್ಲ, ಗೆಳತಿಯು ನನಗಲ್ಲ,
ಬಯಸದಿರಲಿ ಆಕೆ... ನಿಮ್ಮ ಗೆಳೆತನವ.....
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ